ਬੁਢਲਾਡਾ 10 ਜੁਲਾਈ (ਪੰਕਜ ਸਰਦਾਨਾ ) ਅੱਜ ਭਾਰਤੀ ਕਿਸਾਨ ਯੂਨੀਅਨ (ਰਾਜੇਵਾਲਾ) ਬਲਾਕ ਬੁਢਲਾਡਾ ਵੱਲੋਂ ਪੰਜਾਬ ਅੰਦਰ ਬੂਟੇ ਲਗਾਉਣ ਦੀ ਮੁਹਿੰਮ ਤਹਿਤ ਜਿਲ੍ਹਾ ਪ੍ਰਧਾਨ ਦਿਲਬਾਗ ਸਿੰਘ ਕਲੀਪੁਰ ਵੱਲੋਂ ਸ਼ਹਿਰ ਦੇ ਗੁਰਦੁਆਰਾ ਸਾਹਿਬ ਸ਼੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦੇ ਚਰਨ ਛੋਹ ਪ੍ਰਾਪਤ ਧਰਤੀ ਉੱਪਰ ਗੁਰਦੁਆਰਾ ਸਾਹਿਬ ਜੀ ਦੇ ਮੁੱਖ ਸੇਵਾਦਾਰ ਬਾਬਾ ਦਰਸ਼ਨ ਸਿੰਘ ਕਾਰਸੇਵਾ ਵਾਲਿਆਂ ਤੋਂ ਪੌਦਾ ਲਗਵਾ ਕੇ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਗਈ। ਇਸ ਮੌਕੇ ਮੇਵਾ ਸਿੰਘ ਜਿਲ੍ਹਾ ਯੂਥ ਪ੍ਰਧਾਨ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਬੂਟੇ ਲਗਾਉਣ ਦੀ ਮੁਹਿੰਮ 31 ਜੁਲਾਈ ਤੱਕ ਕਿਸਾਨ ਦੇ ਖੇਤਾਂ ਵਿੱਚ ਮੋਟਰਾਂ ਤੇ, ਸਕੂਲਾਂ ਅੰਦਰ, ਧਾਰਮਿਕ ਸਥਾਨਾਂ, ਸਰਕਾਰੀ ਜਮੀਨਾਂ ਤੇ ਰਿਕਾਰਡ ਮੁਤਾਬਿਕ ਲਗਾਏ ਜਾਣਗੇ। ਇਸ ਮੌਕੇ ਸਾਧੂ ਸਿੰਘ, ਲਾਭ ਸਿੰਘ, ਅਸ਼ੋਕ ਕੁਮਾਰ, ਜਨਕ ਰਾਜ, ਜੁਗਰਾਜ ਸਿੰਘ, ਬਾਧੂ ਸਿੰਘ, ਸਤਪਾਲ ਸਿੰਘ, ਰਾਜਵੰਤ ਬਸੋਹਾ ਆਦਿ ਹਾਜਰ ਸਨ।
Post a Comment